Un museo en movemento

Un museo en movemento

Un museo en movemento é un proxecto cultural destinado a colectivos con diversidade funcional. Pretende facilitar o acceso á vida cultural de persoas con problemas de movilidade ou discapacidade ao mesmo tempo que promove a súa integración no mercado laboral. Da man deste proxecto, o Museo de Belas Artes da Coruña pode chegar a todos os lugares. Faino en forma de talleres e material educativo. Cada material empregado é adaptado ás condicións das persoas usuarias que o van recibir, para facilitar así unha mellor compresión. Parte do grupo encargado de deseñar e xestionar a actividade son persoas con discapacidade. Na presente edición o programa leva por título: Un museo en movimiento 2020. El museo se pone de moda.