Para conseguilo, realizan cursos monográficos sobre arte e patrimonio, obradoiros de diferentes técnicas artísticas, actividades e talleres infantís, visitas guiadas, viaxes culturais a outros museos, publicacións e edición de material didáctico, bolsas de formación no museo e proxectos de inclusión como Un museo en movemento, que destacamos pola súa vontade de sumar arte e inclusión na contorna dunha entidade de referencia no mundo da arte. Tamén desenvolven, dende hai tres anos, o proxecto Identidades, as artes para a inclusión social, no que varios artistas coruñeses traballan con colectivos de inmigrantes, mulleres vítimas de violencia de xénero e persoas sen fogar.