Furafollas teatro

Furafollas teatro

Furafollas naceu do obradoiro de teatro encadrado nas actividades de ocio que o Centro de Rehabilitación Psicosocial e Laboral de Cangas oferta aos seus usuarios. É unha pequena compañía de teatro afeccionado dirixida por Sócrates Pérez de la Campa. Ten unha media de 10 participantes cada ano. A través desta actividade foméntase o ocio das persoas implicadas, como un elemento máis no seu proceso rehabilitador. Ademais, dáselle visibilidade ao colectivo de persoas con enfermidades mentais e lóitase contra o estigma que rodea a enfermidade. Levan xa máis de media ducia de obras representadas e están a traballar tamén nun formato adaptado ás restriccións sanitarias polo coronavirus.