Fademga Plena Inclusión Galicia
FADEMGA Plena inclusión Galicia é a Federación Galega de Asociacións en favor das Persoas con Discapacidade Intelectual ou do Desenvolvemento. Na actualidade conta con 40 entidades galegas federadas que prestan servizo a 6.384 persoas con discapacidade intelectual. As entidades de FADEMGA Plena inclusión Galicia están formadas por unha rede de 116 centros ubicados polas catro provincias galegas nos que traballan un total de 1.389 profesionais e contan co apoio de 1.231 voluntarios.
Teñen servizo de atención temperá, de intermediación para a inserción socio-laboral e de apoio para o desenvolvemento profesional e social en centro especial de emprego. Ademais, tamén na área laboral, contan con servizo de apoio para o desenvolvemento profesional e social en empresa convencional e outras modalidades. Tamén consideran fundamental o apoio ás familias e nesa liña contan con programas variados. Teñen tamén servizo ocupacional, servizo de atención de día e servizo de apoio á vida independente. Na área de vivenda contan con diferentes programas dedicados a facilitar a vida diaria dos usuarios e usuarias. E, por suposto, levan a cabo labores de diagnóstico, seguemento, avaliación, planificación e coordinación. Por último, tamén teñen servizo de titela e actividades de ocio, entre as que se enmarca a curtametraxe Lilith.
https://fademga.plenainclusiongalicia.org
fademga@fademga.org
981 51 96 50
Rúa Vía Pasteur 53 A. Polígono do Tambre.
15890 (Santiago de Compostela)