Impulsan e potencian campañas de difusión da experiencia e valores aprendidos coa película Máscaras, que dou nome á entidade. Tamén desenvolven accións de asistencia e formación que potencien a visibilidade social das persoas e entidades que traballan no ámbito da integración, especialmente dos colectivos desfavorecidos. Deseñan e impulsan novos proxectos audiovisuais, propios ou en colaboración con outras organizacións e elaboran contidos pedagóxicos e talleres para a “integración pola naturalidade” como por exemplo Un día de Cine.

A maiores, establecen diálogo con fundacións e outras entidades sen ánimo de lucro que teñan entre os seus obxectivos a integración, a diversidade e a participación cidadá. Impulsan e colaboran en iniciativas que fomenten novos modelos de participación social e canles de financiamento para súa viabilidade, entre eles as microdonacións ou mecenado. E, por úlitmo pero non por iso menos importante, favorecen o desenvolvemento audiovisual e a innovación nos procesos de integración e acción voluntaria.