Con todo isto, traballan cara asegurar a integridade das persoas, o respecto e a estabilidade socioeconómica e igualdade de oportunidades. Buscan promover o cambio e a educación social para a normalización das relacións sociais con todas as persoas nunha situación de exclusión.

Os proxectos máis destacados dentro da actividade de Poten100mos atópanse dentro da Plataforma DiversidArte, un espazo creado para a promoción, produción e difusión da arte dende as persoas con diferentes diversidades intelectuais, físicas, psíquicas e sensoriais, ou personas en situación e risco de exclusión social. Dentro da plataforma atopamos, entre outros proxectos e actividades, os proxectos Páxina web accesible; Taigeto, Sueños y Normalidad; exposicións e galerías de artes plásticas; metaMorfosis, unha representación teatral inspirada en Las Metamorfosis de Ovidio e que trata temas de actualidade como a migraicón, a diversidade funcional, sexual, etc; e o festival DiversidArte, que celebra a xuntaza das diferentes disciplinas artísticas en camiño da inclusión.