Contan con catro Centros de Rehabilitación Psicosocial e Laboral, cunha residencia para persoas con enfermidade mental crónica, pisos supervisados en Ourense e un programa de rehabilitación psicosocial de persoas con enfermidade mental internadas en centros penitenciarios.

Contan con un taller prelaboral íntegramente xestionado por usuarios da asociación, Enmarcacións morea, e organizan e xestionan de xeito autónomo a Tenda Morea, onde venden produtos de comercio xusto como café, cacao ou azucre. O deporte tamén ten o seu oco, co seu propio equipo de fútbol sala, o Morea O Barco. E da integración a través da arte encárgase o grupo de teatro Morea Show.