EUDANZA
Eudanza nace da paixón pola transformación social a través das artes escénicas. Está formada, na súa maioría, por nenos/as, mozos/as e ex-alumnos/as da escola O Pelouro, pioneira en integración e innovación. Tamén integra na súa compañía outros bailarines/as e artistas de diversas disciplinas. Eudanza traballa dende a cooperación real, dende a necesidade de coñecer “ao outro” e de establecer vínculos interpersoais. Sendo a danza a canle expresiva que propicia estas relacións, traballa tamén na función estimuladora de superación persoal e enriquecemento indivisual, facendo chegar aos nenos e nenas ao desenvolvemento do seu máximo pontencial.
Eudanza ten participado en diversos eventos, festivais, encontros de mozos/as creadores/as, performances e festivais e congresos internacionais. Actuou, incluso, no palco principal da Praza de San Marcos de Venecia e en emblemáticos espazos monumentais da cidade dentro do programa oficial do entroido veneciano. Así mesmo, actuou no teatro Pavarotti de Módena, dentro do festival Habilitá Diferenti, no auditorio Mar de Vigo e no festival Visibles de Madrid. En 2018, recibiu o primeiro premio no Certame Coreográfico Internacional Vigo Porte.
www.laurallauder.com
laurallauder@yahoo.es (Laura Llauder)
629 64 53 02 (Laura Llauder)
Centro Neuropsicopedagógico O Pelouro:
Rúa Baños, 81, 36700
Tui, (Pontevedra)