Somos Inclusión Somos Inclusión

SOMOS
INCLUSIÓN

Letra normal Letra grande

FALAMOS?

Coral Breogán ONCE

A Coral Breogán nace a partir dun taller promovido pola ONCE na súa sede de A Coruña. O proxecto traballa cun enfoque dirixido a persoas con algún tipo de discapacidade visual, ben sexa total ou parcial. Porén, tamén poden formar parte do grupo acompañantes destes/as participantes, ademais de voluntarios/as e colaboradores/as. O obxectivo da actividade é a formación musical das persoas participantes e, sobre todo, o desenvolvemento das súas capacidades auditivas. Tamén busca favorecer as relacións interpersoais e o fomento da confianza, as capacidades propias e a integración destas persoas na vida cultural da súa contorna.

Grazas ao traballo de Sabela García, a súa artífice, logra transformarse nunha coral polifónica xa no 2007. A partir de 2017, Pablo M. Carreira,  titulado superior en música e pedagoxía, convértese no seu director. A coral ensaia na sede coruñesa da ONCE tres días á semana, onde traballa a educación auditiva e vocal dos/as compeñentes. 

A Coral Breogán leva a cabo concertos en todo tipo de ocasións e escenarios. Participou en eventos como o disco Voces na cidade meiga de Ecos do Sur, na campaña solidaria de axuda ao refuxiado da Asociación Aire, no festival de panxoliñas que organiza anualmente o Concello da Coruña, na misa de honra a Rosalía de Castro en Compostela, así como en moitos outros concertos en tódalas cidades galegas, actuacións en residencias de maiores, etc. 

ngl@once.es
981 20 69 00
Rúa Cantón Grande, 3
15003 (A Coruña)